Hilari-Schlüsselübergabe: Die Rede des Obernarren im Wortlaut
Mittwoch, 14. Januar 2009
in Fasnacht
Bis Aschermittwoch kündigt das Hilari-Denkmal von der kommenden Fasnacht. (Foto: Paul-Georg Meister)
Hier geht's zur Bildergalerie
Obernarr:
Liebi Narre s` isch so wiit
ab hüt ich wieder Fasnachtsziit
es chribelet i mir scho lang
und i bi voller Tatedrang
viel Nöis a dere Fasnachts z` mache
dass aui Grenchner no meh lache.
Sit Johre schribt me ir Bilanz
Die Stadt do sigi de am Schwanz
So langsam hei mirs scho gha satt
Denn s`isch e wunderschöni Stadt
Doch nur mir Grenchner, wo do wohne
Hei gwüsst gha, dass sich das duet lohne
Dr Wakkerpris hei mir bicho
Und scho duet i dr Zitig stoh
Wie lebenwert, dass Grenche isch
Jetz ischs für alli ufem Tisch
Die ganzi Schwiiz hett `s wohrneh miesse
I dere Stadt chaschs Läbe gniesse.
Am Boris chöig me das verdanke
Nit am Heyek und de Banke
Dank Boris und de Mitarbeiter
Sig s Läbe z Grenche wieder heiter
Das sigi doch dr schönschti Lohn:
Die beschti Stadt do im Kanton.
D Partei, wo neuerdings de Chräie rueft
Muess igestoh, wenn sis recht prüeft
Dass d Politik wos Stadthuus macht
Dr Wandel z Grenche het vollbracht
Und s letschte vo de schöne Gabe
Me cha jetz mit de Stüüre abe.
Los Boris nimm dr Heiligschiin
Und Engelsflügeli, si si ganz fiin
Au mir wei Di i Himmu hebe
Chasch chli uf Wolke Siebe schwebe
Nimms ruehig, due di nid schiniere
Dass d Narre jetze d Stadt regiere.
Boris Banga:
Do nimm dr Schlüssel vo dr Stadt
Hei Narre hebet`s de ganz glatt.
Los Ober mach mer nüt a Ranze
Vor auem nid bi de Finanze
wenns chribelet und s lot nid lugg
chum ig am Aschermittwuch z rugg.
Hier geht's zur Bildergalerie
