Trotz Gegenwehr, der Grenchner Böög musste brennen – Die Grenchner Fasnacht 2008 ist (leider) zu Ende
Donnerstag, 7. Februar 2008
in Fasnacht
Der Böög brannte lichterloh. (Foto: Paul-Georg Meister)
Die Bilder vom Böögverbrennen
Alles über die Grenchner Fasnacht
Zuerst wehrte sich der Böög gegen seinen Tod. Er wollte partout nicht brennen. Doch was sich elektrisch nicht bewerkstelligen liess, das schaffte schliesslich ein einfaches Feuerzeug, der Grenchner Böög musste brennen.
Und so kam es denn auch: Der Böög - ein Pirat - fing endlich Feuer und musste unter den kakophonischen Klängen der Grenchner Guggenmusiken sein Leben aushauchen, schliesslich soll damit der Winter vertrieben werden.
Traditionsgemäss gab Obernarr René Finger auch die Herrschaft über die Stadt Grenchen – die während der Fasnachtszeit bekanntlich von den Narren übernommen wurde – wieder an Stadtpräsident Boris Banga ab.
Dies geschah natürlich in Versform und tönte so:
Obernarr:
Es geht alles vorüber, es geht alles vorbei...
Dir kennet das Liedli wo eim seit
dass aues haut sym Änd zue'geit. -
Au d’Narrezyt - goht mou verby
liebi Narre - s'muesssosi
Au im Nationale Rot
s’Drinneblybe mou vergoht
Au der Boris Banga g'seht das i
und seit zerknirscht s'muesssosi
Dr Brotschi und dr Müuer hei
nach de Wahle g'seit ohwei.
Mir sy z'Bärn au nit dr'by
Syg's eso - s'muesssosi
Dr Wakkerpriis ig meine
hei mir dank de Bsetzisteine.
Dr Barbey und dr Gärber sy
äuä glücklich – s'muesssosi
So jetz isch fertig g'läschteret
über das wo die hei pfläschteret.
Gly isch d’Fasnacht ganz verby
nach em Motto s'muesssosi
Mir Narre hei jetz chönne mache
singe, tanze, möögge, lache.
Doch g'seh au mir jetz aui i
s'isch verby und s'muesssosi
Stadtpresidänt – mir hei nüt z'bereue
und du bisch froh - hesch chönne leue.
Doch die Ruehi - isch jetz verby
muesch wieder cho - denn s'muesssosi
Lueg nid so ärnscht und so verstimmt
die nöchschti Fasnacht chunnt bestimmt.
Doch jetz a d’Seck - und schick di dri
übernimm die Stadt – s'muesssosi
Ig danke aune Närrinne Narre
wo zoge hei am Fasnachtscharre.
I miner Obernarre-Zyt
wo i de letschte Züge lyt.
Nöchst Johr wird e Neue sy
merci Narre s'muesssosi
Stadtpräsident:
Obernarr, Närrinne, Narre
danke für das Zieh am Charre.
Mir hei e schöni Fasnacht g'ha
au ig ha grossi Freud dra g'ha.
Jetz muess ig wieder umecho
wüu dir i Summerschlof weit go.
Und ig mit mine Mitarbeiter
dr Stadt muess diene - und soweiter
Wenn die letschte Guggetön verstummt
Im Näscht isch - au dr letscht Vermummt.
De dänk ig mir - s’syg g'si gerisse
und wirde euch ganz enorm vermisse
Ig wott jetz do nit z'fescht plagiere
doch wird ig s’Stedtli guet regiere.
Ig ha Gränche nämlich gärn
und muess jo nümm - so vüu uf Bärn.
Wenn dr Bögg ir Äsche lyt
foht a die ganz normali Zyt.
Ig hoffe Narre dir g'seht das y
dir wüsset jo – s'muesssosi
Dr Obernarr - dr René Finger
het's vo jetz a - jo au ringer.
Merci René schön isch es g'si
doch du weisch jo s'muesssosi
Die Bilder vom Böögverbrennen
