Verkehrschaos, Börsenbericht, Bundesrat und Euro 08 - Heinz Westreichers Schnitzelbank an der Goschen-Nacht
Sonntag, 3. Februar 2008
in Fasnacht
Heinz Westreicher glänzte mit seinem Schnitzelbank an der Goschen-Nacht. (Foto: Psul-Georg Meister)
Erfreuen Sie sich vorerst an den 150 Fotos der Goschen-Nacht
Weitere Bilder von der Goschen-Nacht finden Sie auch auf der Bilderseite der Gosche
Der Hansli ghört es uf und ab
Ar Schlofzimmertüre knapp
Gohts ufe duet e Luschtschrei töne
Gohts abe ghört är d’Muetter stöhne
Do plötzlich seit de s’Mam zum Pap
So stell dä Börsebricht jetzt ab
Ich ha letschthin do zum z’Nacht
Der Grill agloh, es Füürli gmacht
Do isch plötzlich d’Fürwehr cho
Wills grauehaft duet rauchne do
Me het der Grund gli gfunde gha
S’isch d’Plastikhut vor Servelaa
Der Mensch passt sich der Umwält a
Dasch guet doch chas au Gfohre ha
Denn sit die Gränchner Bebe do
In Solothurn uf d’Wält müend cho
Do hei die plötzlich neumedure
All’ e riesegrossi Schnure
Vier Liter Wasser im Kanischter
Zwänzg Würscht no ipackt imne Plischter
Fünf Kilo Brot si auwä gnue
Villicht der Schlofsack no derzue
Es Surstoffzält no für ir Not
Und ufs Dach es Gummiboot
Es Notfallset chönnt eim no rette
Derzue e chemischi Toilette
Das lad ich alles i mi Chare
Wenn ich muess durch Gränche fahre
E schlächti Note im Betrage
Us dr Schuel ghörsch nume Chlage
Der Hansli deupelet au immer
Und d’Usdrück wärde immer schlimmer
är entschuldigt das Gebärde
Är well halt Bundesrot mou wärde
Vor der Euro 08 seit
Der Weibel allne wie das geit
Mit Charme müess me do d’Gescht bediene
Dass gsuch me so wie z’Oeschtrich niene
Es dunkt mi d’Oetzis düe zwüschine
au uf em Fuessballfäld no schlieme
Gränche kriegt der Wackerpriis
Do gits viel Nieder das isch mies
Derbi hei i de Füfzger Johr
Mir würklech schön baut das isch wohr
Es dunkt eim fahrt me d’Stadt zdürus
Me loch jetzt alles wieder us
Erfreuen Sie sich vorerst an den 150 Fotos der Goschen-Nacht
Weitere Bilder von der Goschen-Nacht finden Sie auch auf der Bilderseite der Gosche
