Die närrische Reimkunst
Dienstag, 8. Februar 2005
in Archiv bis 2007
Ein Sprücheklopfer der Schnibako Sacken
Esle hets i jedem Stedtli
Spielmann könnt me überau
Mir hei nur es Taburettli
Und GVG verstoht kei Sau
(Schnibako Sacken)Am Tschortsch und mir uf üsnä Wäge
Chunt äs bekannts Gsichtli entgäge
Tschou zäme – grüessech – ig murmle vo Knascht
Dr Hung schüttlet dr Chopf, i einere Hascht
Rouf dänk doch, oder läng dr a Gring
Dasch doch dr Cahannes und nit dr Behring
(Frosch-Zunft-Schniba)Ar Hauptstroos im’ne Grabe unge
Han ich drü Soledurner gfunge
D’Grueb isch äng und wäg der Schnurre
Chöme die dört nümme dure
(Schuelschwänzer)Kei glänzigi, metalligi Guuldplagette
Kei Schnitzubank duet d’Fasnacht rette
Nach em riese Gschrei, Kritik und Gstöhn
Spiele mir de hür nur fauschi Tön
(Chappelitüüfle)D’Pisa Studie ghöhrt me brichte
Sig besser, s’gäb nüt z’rüttle dra
Dr Grund, me heigis chönne richte
Solothurn het Ferie gha
(Schnibako Sacken)S’Ruth und dr Rouf tüe üs verloh
Um eis is schaad, ume anger simer froh
Mir wüsste für die ä nöiä Poschtä
Dass die au grad nit ganz verroschtä
S’Ruth us Mannequin mit schöne Chleidli
Dr Rouf us Chnecht uf’s Sahleweidli
(Frosch-Zunft-Schniba)Arch-, Central- und Jurastroos
D’Lochuswahl isch riesegross
Hei ächt die nid langsam gnue
Und mache d’Löcher wieder zue
(Schuelschwänzer)Dörth et eine zöuht: Plus Siebe git Dreihundertdrei
Es riese Gstöhn und s’chunnt scho wieder e Schrei
Bi vierhundertachtezwänzg isch de Schluss
Und das Tropical het si Wäutrekord duss
(Chappelitüüfle)Die Grenchner Fasnacht in Wort und Bild finden Sie hier.
